Burundi

Icegeranyo c'ivyabaye
Inkuru iramvuye
Uguhimiriza kungaruka ziterwa na Ebola, biteguwe n’ishirahamwe IOM kw’isoko riri kurubibe rwa Gatumba (Photo OIM/2019)
Uguhimiriza kungaruka ziterwa na Ebola, biteguwe n’ishirahamwe IOM kw’isoko riri kurubibe rwa Gatumba (Photo OIM/2019)

Imillioni cumi z’amadollars niyo akenewe kugirango ibikorwa vyo kwikingira ikiza Ebola mu mwaka wa 2020 kigende neza

Ibikorwa vyo kwitegura no gukinga ingwara ya Ebola kukiringo ca nzero ruheshi uyu mwaka wa 2020 vyari vyarigiwe hamwe kuva muri kigarama 2019 na nzero 2020. Ubushikiranganji bw’amagara y’abantu n’ukugwanya umugera wa sida bufatikanije n’ishirahamwe mpuzamakungu OMS, OCHA be n’ibindi bisata vya ONU hamwe n’amashirahamwe mpuzamakungu y'abigenga vyarashize kugihe ibikorwa vyihutirwa bongera baranakosora ibikorwa vyokorwa mumasaha 72 hamwe n’bikorwa bisanzwe.

Amafaranga agera ku milliyoni 10 niyo yoba akenewe kugirango ivyo bikorwa bizoje mu ngiro. Gushika uyu musi, igice c’ayo mafaranga n’ukuvuga imiliyoni 5 niyo amaze kuboneka. Integuro y’ibikorwa ikazokwemezwa inyuma y’uko amahera asabwa yumvikanyweko imbere y’uko ukwezi kwa mbere 2020 guhera

 

Nkuko vyabaye mu gice canyuma c’umwaka wa 2019, ibikorwa bijanye n’ukwikingira ingwara ya Ebola bizoshimikira kugusuzuma ingenzi zica ku mipaka itandukanye zivuye mu gihugu kibanyi ca Congo,ugukarihiriza ubwenge canecane ku bavuzi be n’ukugura ibikoresho vy’ibitaro n’ayandi mavuriro. Hazoba kandi n’amasekeza yo kwikingira Ebola hamwe n’imyimenyerezo yerekana ingene bayikingira kugira bigishe abajejwe gukinga iyo ngwara. Imigwi yamaho ijejwe gukorera murico gisata izoshirwaho mu ntara z’ubuvuzi zambere zikekwako iyo ngwara yokwinjirira, ukwubaka no gutanguza ibikorwa vy’ikigo vyihutirwa bigwanya ingwara ya Ebola mugie yibonekeje ku Mudubugu be no mu Gatumba

 Icihutirwa n'ugutanga ubumenyi ku mugwi iseruka kare ku bagwayi nabahinga ba laboratoire kizoshirwa mu  ngiro amahera yokubikora azoronderwa

Ishirahamwe OMS, ibisata vya ONU hamwe n’amashirahamwe mpuzamakungu yigenga bariyemeje kurondera uburyo kugirango ivyo bikorwa vyose bije mu ngiro. Abatanga imfashanyo nka DFID USAID Irish Aid Korean aid reta y’ubushinwa baramaze kwerekana yuko bazoshigikira ivyo bikorwa vy’umwaka wa 2020

Gushikuyu musi, imillioyoni 18,6 z’amadoloari niyo amaze kuboneka kuva uBurundi butanguye gushira mungiro ibikorwa vyo kwitegurira kugwanya ingwara ya ebola. Amashirahamwe ajejwe gutabara akaba ashimira ababandanya bayafasha.

URL:

Yuguruwe: